شقيق محمد رحيم لا يعترف بعزائه!

المصدر: "النهار"

محمد رحيم

أثار طاهر رحيم، شقيق الملحن المصري محمد رحيم الجدل مجدداً، إذ أعلن عبر حساباته على شبكات التواصل الاجتماعي، عن إقامة عزاء ثانٍ للراحل، ما يعني عدم اعترافه بالعزاء الأول الذي أقيم قبل أيام قليلة.

وقال: "عزاء شقيقي الموسيقار الراحل محمد رحيم، غداً الجمعة، في سرادق عزاء دار مناسبات سخا، بعد صلاة العصر لآخر العزاء إن شاء الله".

وكان طاهر رحيم تعرض لانتقادات حادة من قبل مجموعة كبيرة من الفنانين، بسبب تصريحاته عقب وفاة شقيقه وتلميحاته حول تعرضه لوفاة غير طبيعية: "احنا روحنا اتخضينا من المنظر، بطنه كانت منفوخة زيادة عن اللزوم لدرجة أن الدكتور اللي جت قالت هو تخين كده ولا اي، وجسمه مخشب وكأنه في حالة صدمة، والدم متجلط في جسمه، والرائحة بدأت تطلع مش حلوة خالص وكأنه ميت من فترة".

وقال المخرج محمد العدل الشهير بلقب "ماندو": "يا أخ طاهر رحيم عيب عليك اللي بتعمله في سيرة أخوك، أنت إزاي كده. أخوك ميستحقش كده أبداً منك ولا من أي حد".

وكتبت المطربة مي فاروق: "الله يرحمك يا غالي، يا ذوق يا محترم، عشت كبير ومحترم وهتفضل كده مهما حاولوا. لما بيحصل كده بعد ما مشيت، أمال كان إيه اللي حاصل وانت عايش؟".

وأضافت: "ربنا رحمك عشان طيبتك وجمالك وما تستاهلش القرف ده، اللي بيحصل ده مش لاقيه ليه اسم، لا دين، ولا ذوق، ولا أدب.. ده مش دم ده ميه!".

وتابعت هجومها على طاهر رحيم: "حد يعالج الراجل ده، ولا يشوفوله حتة يقفلوا عليه، كفاية قرف! كل حاجة مردودة والله، احترم اللي كنت عايش تتشرف إنك على اسمه، ولا نفسك في الشهرة وبتركب ترند على سيرة وسمعة إنسان الدنيا بتتشرف بيه؟، منتهى الرخص والقرف.. حسبنا الله ونعم الوكيل، كله مردود. أخص والله.. ألف أخص".

وأيّد الممثل محمد العمروسي خطيبته مي فاروق، فجاء في منشور شاركه ووجّه إلى شقيق الملحن الراحل: "أخو محمد رحيم.. إنت متأكد إنك أخوه بجد؟ أنا شايف إن الغريب زعلان عليه أكتر منك.. الله لا يسامحك".